Makhanda in die Oos-Kaap, vroeër Grahamstad, het van ’n militêre buitepos gegroei tot een van Suid-Afrika se sterkste skoolstreke. Die dorp is in 1812 deur luitenant-kolonel John Graham tydens die Grensoorloë gestig en het ná die koms van die 1820-Setlaars vinnig as handelsentrum uitgebrei.
’n Aanval deur duisende Xhosa-vegters onder Makana in 1819 is deur die Britte afgeweer, en namate die militêre belang afgeneem het, het onderwys sentraal geword. Vandag getuig meer as 70 verklaarde nasionale erfenisterreine, kerke en museums nog van daardie geskiedenis.
Rhodes-universiteit, wat in 1904 gestig is, is die dorp se vernaamste tersiêre instelling met tussen 8,700 en 9,300 geregistreerde studente. Daebenewens huisves die dorp van die land se duurste privaatskole, wat leerlinge, akademici en gesinne lok en die plaaslike ekonomie ondersteun.
St. Andrew’s College vra R409,815 per jaar vir leerlinge in graad 8 tot 12. Die Diocesan School for Girls kos tot R368,100 en Kingswood College tot R360,930. Openbare skole sluit Graeme College, Victoria Girls’ High School, Mary Waters Hoërskool en P.J. Olivier in.
Buiten onderwys bied Makhanda die Nasionale Kunstefees, een van Afrika se grootste kunstefeeste, wat elke jaar gehore van regoor die land trek. Besoekers kan ook die Albany-museum, die Sterrewagmuseum, die 1820-Setlaarsmonument en die Makana Botaniese Tuin besoek wat in 1853 aangelê is.